Apiga “Hatrik” harusini !!

Bwana Athuman Yengayenga, mkazi wa Shanwe, Manispaa ya Mpanda Mkoani Katavi, Tanzania, awashangaza wengi baada ya kuamua kuoa wanawake watatu kwa mpigo, tukio lililomulikwa na vyombo vingi vya habari hapa nchini.

Alipo hojiwa ni sababu ipi hasa iliyo mpa hamasa ya kufaya hayo yote, alijibu kwa haraka kana kwamba alitarajia kuulizwa swali hilo. “naam ! lengo langu lilikuwa kuoa wanawake wanne kabisa, ili nifunge haya mahesabu ya kuoa” aliongea kwa msisitizo..

Huu msukumo wa kuoa ulikuja baada ya kuachwa na mke wangu kipenzi aliye niachia maumivu makubwa moyoni na kuniathiri sana “kisaikolojia”.

Na kila nilipo fikiri habari ya kuoa tena niliona mwanamke mmoja hatonitosheleza, ndo nikaja na wazo la wanne, lakini Mwenyezi Mungu Subhuhanna bhuh’ wat-Allah akanijaalia watatu Alhamdulilakh ! nashukuru, na inshaAllah !! ibada ya kumilisha wanne ntaifanya mbele ya safari, kunako uzima.

Na sababu nyingine muhimu ya kubeba watatu kwa mpigo, ni kwamba hata likitokea la kutokea hawawezi ondoka wote ghafla, kuna watakao baki kunifariji na madhila ya upweke, hivyo kuninusuru na hatia ya kujichukulia sheria mkononi.

Watoto hao warembo na wabichi kabisa Fatuma Rafaeli, Asha Pius na Mariam John ambao ni wana ndoa halali wa huyu mwamba Bwana Athuman Yengayenga, waliongea kwa kauli moja kwamba “wivu ni suna katika maisha ya ukewenza” na wamejiandaa kikamilifu katika hilo kwa kumuomba Allah!  awazidishie upendo na ushirikiano baina yeo kwa ajiri ya kumtunza na kumfurahisha mume wao kipenzi. Kwao kumuangali Mume jambo la msingi katika maisha yao kuliko kitu chochote, na kiimani hii ni ibada pia kwetu.

“Bado hatujakamilika, tunamsubiri wanne kukamilisha Sunah !” alisikika Bi. Fatuma akiwa kama bi mkubwa huku akitabasamu na kuweka vizuri shera lake la harusi.

Hata hivyo imebainika kuwa Bwana Athuman Yengayenga ametokea katika ukoo wa ndoa za mitala. Baba yake alikuwa akiishi na wake wengi.